အာယတုလ် ကုရ်စီ (စူရာ အလ်-ဗကရာ၊ ၂၅၅)၊
﴿اَللّٰهُ لَآ اِلٰهَ اِلَّا هُوَ ۚ اَلۡحَيُّ الۡقَيُّوۡمُ ۚ لَا تَاۡخُذُهٗ سِنَةٌ وَّلَا نَوۡمٌ ؕ لَهٗ مَا فِي السَّمٰوٰتِ وَمَا فِي الۡاَرۡضِ ؕ مَنۡ ذَا الَّذِيۡ يَشۡفَعُ عِنۡدَهٗٓ اِلَّا بِاِذۡنِهٖ ؕ يَعۡلَمُ مَا بَيۡنَ اَيۡدِيۡهِمۡ وَمَا خَلۡفَهُمۡ ۚ وَلَا يُحِيۡطُوۡنَ بِشَيۡءٍ مِّنۡ عِلۡمِهٖٓ اِلَّا بِمَا شَآءَ ۚ وَسِعَ كُرۡسِيُّهُ السَّمٰوٰتِ وَالۡاَرۡضَ ۚ وَلَا يَـُٔوۡدُهٗ حِفۡظُهُمَا ۚ وَهُوَ الۡعَلِيُّ الۡعَظِيۡمُ﴾
၁ ကြိမ် ရွတ်ပါ။
“အလ္လာဟ်အရှင်မြတ်! အရှင်မြတ်မှတစ်ပါး ကိုးကွယ်ထိုက်သူ အလျှင်းမရှိ။ အလ္လာဟ်အရှင်မြတ်သည် အစဉ်ထာဝရ ရှင်တော်မူ၏၊ ဖန်ဆင်းခံအားလုံးကို ထိန်းသိမ်းစောင့်ရှောက်တော်မူ၏။ အလ္လာဟ်အရှင်မြတ်ကို အိပ်ငိုက်ခြင်းလည်း မလွှမ်းမိုး၊ အိပ်စက်ခြင်းလည်း မလွှမ်းမိုးနိုင်။ ကောင်းကင်ဘုံများ၌ ရှိသမျှနှင့် မြေကမ္ဘာ၌ ရှိသမျှ အရာခပ်သိမ်းသည် အလ္လာဟ်အရှင်မြတ်၏ ပိုင်ဆိုင်မှု ဖြစ်၏။ အလ္လာဟ်အရှင်မြတ်၏ ခွင့်ပြုချက်မပါဘဲ အရှင်မြတ်၏ ရှေ့တော်တွင် မည်သူ ဝင်ရောက်တောင်းပန် (ရှဖာအသ်ပြု) နိုင်မည်နည်း။ အလ္လာဟ်အရှင်မြတ်သည် ၎င်းတို့၏ ရှေ့၌ ရှိသည်ကိုလည်းကောင်း၊ နောက်၌ ဖြစ်မည့်အရာကိုလည်းကောင်း သိတော်မူ၏။ အလ္လာဟ်အရှင်မြတ် အလိုရှိတော်မူသည်မှလွဲ၍ အရှင်မြတ်၏ အသိပညာတော်မှ မည်သည့်အရာကိုမျှ ၎င်းတို့ မသိနိုင်ကြ။ အလ္လာဟ်အရှင်မြတ်၏ ကုရ်စီတော်သည် ကောင်းကင်ဘုံများနှင့် မြေကမ္ဘာကို လွှမ်းခြုံထား၏၊ ၎င်းတို့ကို စောင့်ရှောက်ခြင်းသည် အရှင်မြတ်ကို မပင်ပန်းစေ။ အလ္လာဟ်အရှင်မြတ်သည် အမြင့်မြတ်ဆုံး၊ အကြီးကျယ်ဆုံး ဖြစ်တော်မူ၏။”
(ဆဟီးဟ် ဗုခါရီ၊ ဟဒီးဆ် ၂၃၁၁)။